منشور على صفحة اتحاد طلاب الأكاديمية يثير الجدل والسخرية

نزل بوست اليوم علي صفحة اتحاد الطلبة لمسرحية بعنوان ( واي من لوف مزز ) +18،من سمح لهذا يحدث وكيف ستتعامل إدارة الأكاديمية مع الموقف



دايمًا الاتحاد في السنتين اللي فاتوا كان مثير للجدل، واتهاجم أكتر من مرة بسبب أخطاء كتيرة، والحقيقة إن الاتحاد في السنتين دول بدأ يظهر وبدأ الطلاب يعرفوه أكتر، ومافيش حد يقدر ينكر ده، بس ده كان بسبب الهجوم المتزايد من طلاب الأكاديمة ومن طلاب داخل الاتحاد كمان!

فوجئ الطلاب صباح اليوم بصفحة اتحاد طلاب الأكاديمية اللي صورتها اتغيرت لصورة عرض مسرحي +18 بعنوان (واي من لوف مزز)،
واللي أثار جدال كبير بين طلاب الأكاديمة وتناولوه بالعديد من التعليقات الساخرة سواء من الأكاديمية ككُل أو من الاتحاد وصفحته بعينهم.

بس الموضوع مش زي ما البعض بيحسبوا، اتحاد 2015-2016 كان برئاسة الطالب أحمد حسن وكان في الفرقة الخامسة اتصالات في الوقت ده، وهو من قام بتأسيس صفحة الاتحاد واللي استمرت كصفحة رسمية لاتحاد طلاب كلية هندسة من فترة 2015 -2017 وهي نفس الصفحة اللي أعلنت عن عرض مسرحي “للكبار فقط”.

حقيقة الموضوع إن حصل خلاف بسبب إن رئيس الاتحاد الأسبق أحمد حسن رفض إعطاء صفحة الاتحاد لرئيس الاتحاد الجديد عبد الرحمن كامل،
موقف أحمد حسن اعتبره البعض تصرف خاطئ بدعوى إن مش من حق رئيس اتحاد إنشاء صفحة تخص الطلاب ويرفض إنه يسلمها للاتحاد الجديد فهي ليست ملك شخصي مثلًا.

قام عبد الرحمن كامل بإنشاء صفحة جديدة خاصة باتحاد الطلاب 2017-2018، وأصبحت صفحة اتحاد الطلاب الرسمية، ومالهاش أي علاقة بالصفحة القديمة اللي أعلنت عن العرض المسرحي.

الجدير بالذكر إن المسرحية اللي تم الإعلان عنها علي الصفحة القديمة للاتحاد هي مسرحية من إخراج رئيس الاتحاد السابق أحمد حسن، مما أثار الانتقادات ضده تاني لاستخدامه صفحة لسه باسم اتحاد الطلاب والاسم يخص طلاب الأكاديمة ويمس الأكاديمية بشكل عام.