لقاءنا مع أم أمين: أمين مكتبات مصر

معرض القاهرة الدولي للكتاب يعتبر أكبر حدث مُختَص بالكتب في الشرق الأوسط وده لإن بيدخله أكتر من إتنين ونص مليون زائر بالرغم من إن مدته بتكون أسبوعين بس. الإقبال عليه بيكون عالي لإن الناس



معرض القاهرة الدولي للكتاب يعتبر أكبر حدث مُختَص بالكتب في الشرق الأوسط وده لإن بيدخله أكتر من إتنين ونص مليون زائر بالرغم من إن مدته بتكون أسبوعين بس.

الإقبال عليه بيكون عالي لإن الناس بتستفيد من تجميعة دُور النشر المختلفة الموجودة في مكان واحد وده اللي بيوفره “عم أمين” على مدار السنة.

“عم أمين” هو عبارة عن موقع بيجمع كل دور النشر وإصدارتها وأسعار الكتب وجودتها ونوع الطبعة.

الموقع بيضم أكتر من ٤٠٠٠ تصنيف للكتب وكل كتاب بيكون له أكثر من تصنيف، بحيث إن القارئ يقدر يوصل لأي كتاب في أي مجال أو حتى كُتب كاتِب مُعَيَّن بسهولة.

عم أمين” كمان شاركوا في معرض القاهرة الدولي سنة 2015 وسنة 2016 عن طريق تطبيق هاتفي واللي من خلاله عملوا خريطة تفاعلية للمعرض كانت بتضم أكتر من٨٥٠ دار نشر واللي كانت بتسمح للمستخدم إنه يعرف مكان دار النشر اللي بيدوّر عليها.

ده غير إن التطبيق كان فيه جدول للفاعليات والأنشطة اللي بتحصل في المعرض وحفلات التوقيع.

وزي ما كانوا موجودين السنتين اللي فاتوا في معرض الكتاب هيكونوا موجودين في معرض الكتاب لسنة ٢٠١٧، وهدفهم إنهم يوصلوا فيه ل١٠٠،٠٠٠  تحميل للتطبيق بعد ما وصلوا ل٤١،٠٠٠ تحميل في السنتين اللي فاتوا. أما عن عمليات البحث فالهدف إنهم يوصلوا لخمسة ملايين عملية بحث بعد ما وصلوا لنصف مليون عملية.

Rise Up بالنسبة لعم أمين فرصة للاستفادة من تجميع المستثمرين والstart-ups في مكان واحد، ده غير إن المناخ العام المُشجِع وبيدي حافز للناس علشان تستمر وتطور من مشروعاتها، وعلشان كده حرصوا إنهم يتواجدوا في Rise Up في السنتين الأخيرتين.