٨ حاجات هتخليك تتفرج على فيلم الممر

سهل يكون فيلم أجنبي محقق نجاح وتلاقي كتير بيتشد ليه، لكن فيلم عربي يستناه ناس كتير عشان تشوفه أكتر من مرة مش عادي!  غريبة مش كدا؟! تفاصيل عن فيلم الممر...



هو فيلم عربي من إنتاج سنة (2019)، إخراج وتأليف شريف عرفة، و بطولة أحمد عز، وإياد نصار، وأحمد فلوكس، وأحمد رزق.
قدر يحقق ثاني أعلى الإيرادات في عيد الفطر هذا العام، أي المركز الرابع في قائمة أعلى الأفلام دخلاً في السينما المصرية، قصته تتلخص في القوات المصرية وقت حرب الاستنزاف في سياق درامي مميز.
طب ليه حقق النجاح دا؟!
١- فيلم حربي بطولي؛ هتتفرّج على نوعيّة مُختلِفة من الأفلام اللي مُفتقِدنها.
٢- الموسيقى التصويريّة لعُمر خيرت لوحدها تخليك تتفرّج على الفيلم.
٣- أبطاله بشكل مُجمل جروب يخليك تتفرّج وانت عارف إن التمثيل هيكون على مستوى معقول.
٤- إنك هتعرف أسباب النكسّة وإيه حصل وقتها.
٥- هتتفرج على نوعيّة أكشن مُختلِفة؛ هتكون بعيدة عن نوعيّة البلطجة المعروفة حاليًا في معظم الأفلام.
٦- إنك هتشوف نفسك من خلال كل ممثل وممثلة بيلمسوا جزء من شخصيتك.
٧- إن مهما قابلتك مشكلة في حياتك مفيش معنى لكلمة  “مستحيل”؛ دايمًا تقدر تغيّر حياتك للأحسن.
٨- ملحَمة دراميّة هتتفرّج فيها على الأكشن والكوميديا والرومانسيّة.
كتابة :هدي أمجد