سلالم سوزان

موقعها مناسب جدًا وقريبة من الكلية وتعتبر ملجأ للطلاب يقعدوا فيها بين المحاضرات.



سلالم سوزان
لو من الكلية يبقى أكيد عديت عليها، ومش بعيد تكون متعود أو على الأقل قعدت فيها ولو مرة.
اسمها “سلالم العيادات التخصصية” التابعة لمستشفيات الجامعية واللي عددها حوالي (22) درج أما بقى سبب تسميتها “بسلالم سوزان” فهتعرفه في الآخر.



-طب إيه اللي بيميزه؟ وليه اتسمى كده؟

  • السلالم على قد ما هي مريحة على قد ما هي بتستخدم للعلم والمذاكرة.
  • موقعها مناسب جدًا وقريبة من الكلية وتعتبر ملجأ للطلاب يقعدوا فيها بين المحاضرات.
  • محاطة بالزرع وهتلاقي قدامك أراضي خضراء ورا سور الكلية يعني براح وهواها يرد الروح.
  • غير إنها بديل مناسب لكارهي قعدة الكافتريا، ومأوى لينا كلنا مع الحالة الاقتصادية المتعسرة آخر كل الشهر وخصوصًا إنك لازم تطلب حاجة طول ما أنت في الكافتريا.
  • الطريقة الأسهل لإنك توصل لبنك الدم والعيادات من غير ما تدخل من البوابة الرئيسية اللي بتكون مقفولة معظم الوقت.

أما بخصوص التسمية؛ فظهرت إشاعات كتير حول الموضوع ده، وكان من ضمنها وجود دكتورة اسمها “سوزان” قدرت تحقق نجاح في العيادات دي، لكن اللي المعظم ميعرفهوش إن ده اسم شرفي لـ “سوزان مبارك” لإنه اتبنى قبل الثورة بـ (10) سنين واللي اتسمت المنطقة المحيطة بما فيها من العيادات وغيرها باسمها، “مستشفى سوزان التخصصي”.