سبع شخصيات في الـ”Fun day”…اعرفوهم.

نتمنى نكون كلنا "عبسلام" في نفسنا في اليوم بتاعنا، والسلام عليكم ورحمة الله.

صورة من فيلم الناظر

كل سنة في نفس الشهر بنسمع أغاني ونشوف تيشرتات ملونة وطرح عليها ألوان، طالع خلاص بكرة براءة هنام وهصحى على رواقة…بس أكيد عشان اليوم دا يعدي لازم هتقابل سبع شخصيات في “Fun day” الدفعة، -ده لو ربنا كرمها وعملت “Fun day”-.

١-الشخصية الأولى: دي دايمًا بتكون بنت ودايمًا دايمًا بتعترض على أي حاجة “لا لا لون التيشرت ده مش حلو”، “لا لا الطرحة دي مش هتليق على التيشرت”، “لا لا يا ريت يكون بدري عن كدة هرجع البيت متأخر”، حاجة نكدية في نفسها كدة وننصحك ماتقربلهاش علشان الصداع وعلشان مش لاقيين (بنادول) الفترة دي والله.

٢-تاني شخصية: ده بقي الرايق اللي لا فارق معاه لون التيشرت ولا الميعاد ولا أي حاجة، هو هيروح علشان صاحبه رايح، ده بيكون أليف ولطيف كدة أقعد جنبه.

٣-الشخصية التالتة: ده المطحون جدًا، اللي دايمًا بيلم فلوس، ومسؤول عن أي حاجة، هو مصدر لإدخال السعادة والسرور على قلب زملائه، لما تقابله طبطب عليه وقول له “معلش”.

٤-رابع شخصية: ده القرفان من كل حاجة ومن الدفعة والكلية ومن كوكب الأرض كله.

٥-خامس شخصية: ده الفوتوجرافر دي مش وظيفته دي صِفته، بيصور صحابه، يصور الأكل، ياخد سلفي، ولو في حد بيصور بكاميرا ممكن يقوله ابعت لي الصور واتساب.

٦-الشخصية السادسة: بتكون بنت برضه بتقعد في جنب كدة تتكلم على الكل وماتقومش من مكانها غير علشان الصورة.

آخر شخصية: هو “عبسلام” في نفسه جاي علشان يرقص ويغني وهتلاقيه جايب الطبلة والدُف معاه ومجهز(USB) عليه أغاني للـ (DJ).