(٧) حاجات ماتجيبهُمش في عيد الأم.

عيد الأم اللي بيحيرنا ،ومابنلحقش نفكر في هدايا حلوة فَبنروح تلقائي كدة لحاجات اللي هي أوحش هدايا ممكن نجيبها في يوم لتقدير الأم.



عيد الأم اللي بيحيرنا يوم بييجي كل سنة ومش بيتغير بس لازم بنتفاجئ بيه؛ ومابنلحقش نفكر في هدايا حلوة فَبنروح تلقائي كدة لحاجات البيت والمطبخ اللي هي أوحش هدايا ممكن الواحد يجيبها في يوم اتعمل لتقدير الأم، أمهاتنا طيبين وبيعجبهم أي حاجة خصوصاً إنهم بيبقوا عارفين إننا على الحديدة بس ده مش معناه إننا نسوء فيها، اوعوا تجيبوا الحاجات دي يا جماعة؛

أصل بجد أنا كأم استفدت ايه!

١- طقم كوبايات.
النيش على أخره أصلاً مابقاش فيه مكان فاضي ده غير إننا بنجيبهم من واحنا في تانية ابتدائي.

٢- شفشق.
هدية غريبة جداً وليه ممكن أجيب لمامتي شفشق لا وفي عيد الأم، ممكن نجيب هدايا مش حلوة بس دي مريبة.

٣- ڤازة.
ليه طيب؟

٤- ساعة حائط.
طبيعي الناس كلها بتحب تعرف الساعة كام بس ده مش مبرر إنك تجيبها في عيد الأم.

٥-مقلاة طبخ..
استفدت ايه بجددد؛ كلنا بنحب الأكل آه بس مش كدة.

٦-ورد صناعي.
لأعتقد كبرنا على الموضوع ده يعني حتى شكله مابيبقاش حلو، الحلو بيبقى غالي فَمالناااش دعوة.

٧- مفرش سفرة.
مش هتكلم!

في ناس بتجيب حاجات أغرب من كده وده طبعاً بيعتمد على عوامل كتيير أهمها الوقت والفلوس بس لازم نعقلها بردو، اوعوا تجيبوا الحاجات دي!.

-اعداد: أميرة أبو شنب ، فيروز فراج.