لقاء مع (أحمد السيد) معيد بكلية الهندسة.

إنتو قدامكم فرصة تنجحوا جدا لما تهتموا باللي بتدرسوه وتسألوا المعيدين أو الدكاترة في أي حاجة مش فاهمينها.



“(أحمد السيد)، (٢٥) سنة، معيد بكلية الهندسة بقسم الهندسة المدنية ، أكبر إنجاز بالنسبة ليا إني أتعرفت على أصحاب كويسين، أتعلمت منهم كتير، وكانوا بيحبوا الخير لي زي ما بيحبوه لنفسهم ويمكن أكثر، بحاول أتعامل مع البشمهندسين اللي في الكلية برفق ولين على أد ما أقدر، كل ترم بتعرف على طلاب وبكون سعيد إني عرفتهم وبستفاد منهم ولو حصل شدة معاهم بيكون علشان مصلحتهم.

مبتسم لأن الإنسان مننا لما بيشوف حاجة كويسة بيكون مبتسم فالحمد لله معظم الناس عندنا كويسين، ولأن دي وصية النبي ﷺ، إنتو قدامكم فرصة تنجحوا جداً لما تهتموا باللي بتدرسوه وتسألوا المعيدين أو الدكاترة في أي حاجة مش فاهمينها، وطبعا إنكم تحتكوا بالحياة العملية سواء بالتدريب أو الدورات.

نفسي المادة اللي بندرسها نطورها شوية بحيث إنها تكون زي اللي هتقابلوه في سوق العمل؛ علشان نحقق أكبر استفاة، وان الدكاترة يشرحوا المواد بأبسط طريقة ممكنة عشان يقدروا يوصلوا المعلومة لكل الطلاب بسهولة”.

مين أكتر”معيد” بتحبوه في كليتكم…وليه؟!