“دكتور “محمد جاد
“ﻣﺤﻤﺪ ﺟﺎﺩ”، فـ 5 “طب المنوفية الشقيقة” ﺑﻠﻌﺐ ﺗﻨﺲ طاﻭﻟﺔ، ﻭﺑﺮﺳﻢ.
– كلمنا شوية عن هواياتك أو مواهبك؟
– “ﺍﻟﺒﻨﺞ” ﺑﺪأ ﻣﻌﺎﻳﺎ ﻟﻤﺎ ﻛﻨﺖ ﺑﻠﻌﺐ ﻋﻠﻲ ﺍﻟﺴﻔﺮﺓ ﺑﺘﺎعت ﺑﻴﺘﻨﺎ ﻭأﻧﺎ ﺻﻐﻴﺮ ﺑﻌﺪﻫﺎ ﻭﺍﻟﺪﻱ -ﺍﻟﻠﻪ ﻳﺮﺣﻤﻪ- ﺍﻟﻠﻲ ﻛﺎﻥ ﺑﻴﺸﺠﻌﻨﻲ ﻋﻠﻴﻪ، ﻭﺩﺍﻧﻲ ﺗﺪﺭﻳﺐ ﻣﻦ ﺁﺧﺮ ﺍﺑﺘﺪﺍﺋﻲ ﺗﻘﺮﻳﺒﺎً، ﻛﺴﻠﺖ ﻓﺘﺮة ﺍﻟﺜﺎﻧﻮﻱ ﻭﺭﺟﻌﺖ أﻟﻌﺐ ﺗﺎﻧﻲ ﻓﻲ ﺍلكلية.
ﺩﻱ ﺍلسنة ﺍﻟﺜﺎلثة ﻟﻴﺎ ﻣﻊ “ﻣﻨﺘﺨﺐ ﺍﻟﺠﺎمعة”، أﺧﺪﻧﺎ ﺍلسنة ﺍﻟﻠﻲ ﻓﺎﺗﺖ فضية “ﺑﻄﻮلة ﺍﻟﺠﺎﻣﻌﺎﺕ”، ﻭالسنة ﺍﻟﻠﻲ ﻗﺒﻠﻬﺎ ﻭصلت في الفردي للدور الـ”32”.
“ﺍﻟﺮﺳﻢ” ﺍﺗﻌﻠﻤﺘﻪ وأنا ﺻﻐﻴﺮ ﻣﻦ ﻭﺍﻟﺪﺗﻲ -ﺭﺑﻨﺎ ﻳﺨﻠﻴﻬﺎ- ﻛﻬﻮﺍي، ﻭﺩﺧﻠﺖ فيها ﻣﺴﺎﺑﻘﺎﺕ مختلفة.. معنديش ﺻﺒﺮ ﻛﺘﻴﺮ وأنا ﺑﺮﺳﻢ، ﻭﻓﻲ ﻧﻔﺲ ﺍﻟﻮﻗﺖ ﺑﻬﺘﻢ جداً ﺑﺎﻟﺘﻔﺎﺻﻴﻞ؛ ﻓﻤﻌﻈﻢ ﺭﺳﻮﻣﺎﺗﻲ ﺑﺘﻤﻴﻞ ﺩﺍﻳﻤﺎً إﻧﻬﺎ تبقي بسيطة ﻓﻲ ﺍﻟﻤﺤﺘﻮﻱ، ﺑﺲ ﻛﻮيسة ﻓﻲ ﺍﻟﺘﻔﺎﺻﻴﻞ، ﻣﺎﻋﺪﺍ ﻛﺎﻡ ﺭسمة.
ﻫﻮ ﻛﻞ ﺭﺳﻮﻣﺎﺗﻲ ﺑﻌﺰﻫﺎ طبعا ﺑﺲ ﺭسمة “Paperman” ﻣﻦ ﺍﻟﺤﺎﺟﺎﺕ ﺍﻟﻤﻘﺮبة ﻟﻴﺎ.
– قابلت ردود فعل معينة؟ أو إيه رد فعل الناس لما بيعرفوا إنك دكتور؟
– ﻋﻤﺮﻱ ﻣﺎ ﺑﻨسى ﺭﺩ ﻓﻌﻞ ﺍﻟﻨﺎﺱ ﻟﻤﺎ ﻳﻌﺮﻓﻮا إﻧﻲ “ﺩﻛﺘﻮﺭ” ﻭأﻧﺎ ﻓﻲ ﺑﻄﻮلة ﻣﺜﻼً، ﺍﻟﺪﻛﺘﻮﺭ ﺑﺎلنسبة ليهم “ﻛﺎﺋﻨﺎﺕ ﻟﺰجة ﺑﻨﻀﺎﺭﺍﺕ ﻛﺒﻴﺮة ﻣﺒﺘﻌﻤﻠﺶ ﺣﺎجة ﻓﻲ ﺣﻴﺎﺗﻬﺎ ﻏﻴﺮ ﺍﻟﻤﺬﺍﻛﺮة”، ﺇﻧﻤﺎ ﻳﺸﻮﻓﻮا ﺩﻛﺘﻮﺭ ﺑﺸﻮﺭﺕ ﻭﺗﻴﺸﻴﺮﺕ ﺑﻴﻠﻌﺐ ﺑﻨﺞ ..”ﺍﻳﻪ ﺍﻟﺴﻔﺎﻟﺔ ﺩﻱ!!”.
وﺍلحقيقة ﺍﻟﻤﻮﺿﻮﻉ ﻣﺶ ﺑﻴﺘﻌﺎﺭﺽ مع ﺍﻟﺪﺭﺍﺳﺔ ﺧﺎﻟﺺ، ﻗﺪ ﻣﺎ ﺑﻴﺘﻌﺎﺭﺽ ﻣﻊ ﻓﻜﺮﻧﺎ ﺍﻟﻠﻲ ﺑﻴﺮﺑﻂ شخصية ﺍﻟﻄﺒﻴﺐ ﺑﺎﻟﺤﻴﺎة ﺍﻟﻤﻌﻘﺪة، ﻛﺘﻴﺮ ﻣﻦ ﺯﻣﺎﻳﻠﻲ ﺑﻼﻗﻴﻬﻢ ﺑﻴﺘﺮﺩﺩﻭا ﻳﻌﻤﻠﻮا ﺣﺎجة؛ ﻟﻤﺠﺮﺩ إﻥ أﻧﺎ ﺩﻛﺘﻮﺭ ﻣﻴﻨﻔﻌﺶ أﻋﻤﻞ ﻛﺬﺍ، أﻭ إﻥ “ﻫﺬﺍ ﻣﺎ ﻭﺟﺪﻧﺎ ﻋﻠﻴﻪ آﺑﺎﺅﻧﺎ!”، ﻭﺍﻟﺪﻓﻌﺎﺕ ﺍﻟﻠﻲ ﻗﺒﻠﻨﺎ ﻟﻴﻪ ﻛﺪه، ها ﻟﻴﻪ ﻛﺪه!
– ﺍﻟﻨﺎﺱ ﺩﻱ ﻫﺘﺘﻌﺐ أﻭﻱ ﻳﺎ إﺧﻮﺍﻧﺎ ﻓﻲ ﺣﻴﺎﺗﻬﺎ ﺍﻻﺟﺘﻤﺎعية ﻟﻤﺎ ﺗﻜﺒﺮ.
– ﻛﻄﺒﻴﺐ ﻋﻤﻮﻣﺎ بتبقي ﻓﻲ”stress”ومذاكرة على طول ﻓﺘﺮﺍﺕ ﺣﻴﺎﺗﻚ ﻣﻦ أﻭﻝ ﺍلكلية ﻟﻠﺘﻜﻠﻴﻒ ﻭﺍﻟﻨﻴﺎبة ﻭﺍﻟﻤﺎﺳﺘﺮ ﻭ”ليلة ﻛﺒﻴﺮة ﺳﻌﺎﺗﻚ .. فاﻧﺖ ﻟﻮ ﺍﺳﺘﻨﻴﺖ ﺍﻟﻜﻼﻡ ﺩﺍ ﻳﺨﻠﺺ ﻋﻠﺸﺎﻥ ﺗﺴﺘﻤﺘﻊ ﺑﺤﻴﺎﺗﻚ، ﻫﺘﻜﻮﻥﺧﻼﺹ ﺑﺘﺴﻠﻢ ﻧﻤﺮ!”، .. ﺍﺧﺮﺝ، ﺳﺎﻓﺮ، ﺍﻟﻌﺐ ﺭﻳﺎضة، ﺟﺮﺏ ﺣﺎﺟﺎﺕ ﺟﺪﻳﺪة، ﻭﺣﺎﻓﻆ ﻋلى ﻋﻼﻗﺘﻚ بربنا…ﺻﺪﻗﻨﻲ أكتر ﺣﺎﺟة ﻫﺘﻨﺪﻡ ﻋﻠﻴﻬﺎ ﻟﻤﺎ ﺗﻜﺒﺮ ﺍﻟﺤﺎﺟﺎﺕ ﺍﻟﻠﻲ ﻛﺎﻥ ﻧﻔﺴﻚ ﺗﻌﻤﻠﻬﺎ، ﻭﻣﻌﻤﻠﺘﻬﺎﺵ.
– ﺩﺍ ﻓﻴﺪﻳﻮ ﺑﺴﻴﻂ ﻟﺤﺎﺟﺎﺕ ﺍﻧﺖ ﻣﻤﻜﻦ ﺗﻌﻤﻠﻬﺎ ﻓﻲ “ﻓﺘﺮة ﻛﻠﻴﺘﻚ”:
https://www.facebook.com/radiomti/videos/1625608024369402/
– هل فعلاً اهتمامك بده ليه تأثير بالسلب على الدراسة؟
– حتة ﺍﻟﺘﺄﺛﻴﺮ ﻋﻠﻲ ﺍﻟﺪﺭﺍسة ﺩﻱ ﺍﻟﺸﻤﺎعة ﺍﻟﻠﻲ ﺍﻟﻨﺎﺱ ﺑﺘﺘﺤﺠﺞ ﺑﻴﻬﺎ؛ ﻋﻠﺸﺎﻥ ﻳﺒﻌﺪﻭا ﻋﻦ ﺣﺎجة ﺑﻴﺤﺒﻮﻫﺎ .. ﺷﻮية ﺗﻨﻈﻴﻢ ﻭﻗﺖ، ﻭأوﻟﻮﻳﺎﺕ، ﻭﻛﻼﻡ ﻣﻦ ﺑﺘﺎﻉ ﺍﻟﺘﻨﻤية ﺍﻟﺒﺸﺮية ﺍﻟﻠﻲ ﻣﻠﻮﺵ ﻻﺯمة ﺩﺍ، ﻭﻫﺘﺒقى ﺯﻱ الفل ﺍﻟﻤﻮﺿﻮﻉ ﻛﻠﻪ ﻋﺒﺎﺭة ﻋﻦ ﻣﻴﺰﺍﻥ ﺑﻴﻦ ﺩﺭﺍﺳﺘﻚ ﺍﻟﻠﻲ ﻻﺯﻡ ﺗﺪﻳﻬﺎ ﺣﻘﻬﺎ ﻃﺒﻌﺎ لأﻥ ﺩﻱ ﺍﻟﻠﻲ ﻫﺘﻔﻀﻞ ﻣﻌﺎﻙ ﻃﻮﻝ ﻋﻤﺮﻙ، ﻭﺣﻴﺎﺗﻚ ﺍﻻﺟﺘﻤﺎعية، ﻭﻣﻬﺎﺭﺍﺗﻚ الشخصية، كونك ركزت في حاجه منهم دا هييجي علي حساب التانية، و أنا شخصياً مش بفضل كده.
خدوا أمور حياتكم ببساطة، و عيشوا بتلقائية يا اخوانا علشان يتبقي نفس تكملوا بيه.
حوار: أسامة الصواف.
