كتابات شعرية من خارج إنسايدر

بقلم/ دينا ماهر محمود



“الدنيا”
الدنيا لسه فيها خير
طالما إحنا بخير
وقلوبنا مليانة إيمان وضمير
وبنصون العشرة والتقدير
وبنسامح أي حد جايين
لإن إحنا مش دايمين
يومين تاني وماشيين
وفي الآخر بنكون زعلانيين
على اللي حصل واللي بيحصل من سنين
وكل حاجة بتروح مننا ومش راجعين
يا بني ده كله كله مكتوب عالجبين
ارضى وكن من الراضيين
هتكون من العاليين والمحمودين

المستقبل”
كل الحكاية
إنك راسم طريق مرسوم
مش باين ليه رسوم
بتعدي وتخطي وتعوم
وهو لسه برضه مقسوم
وأنت واقف ما بين خطين
لا عارف طريقك فين
ولا فين آخر الحكاية
وتحاول تاني وتقوم
من أول نقطة البداية

“العمر”
العمر بيجرى
والساعة بتعدي
وده همه بكرة
ماهو كله بيعدي
وده بيحكي عن نفسه
بشكل ودي
ياله نفسي
ياله شكلي
والحياة دي بتاخد وتدي
والوقت بيفوت
وده في ملكوت
ويا عالم لما هينام
هيصحى ولا هيموت

بقلم/ دينا ماهر محمود.