“أحمد عبد الحميد رمضان”

دخلت الكلية وهدفي الأهم إن أجيب تقديرات عشان أوصل لهدفي، وجبت في أول ترم (87% ).



اسمي أحمد عبدالحميد رمضان، من “سوهاج”، عندي (22) سنة، طالب في الفرقة الرابعة هندسة منوف قسم هندسة علوم الحاسب.

الحمدلله حافظ القرآن كاملًا وعندي شغف من صغري للنجاح والأفضل دائمًا، دخلت الكلية وهدفي الأهم إن أجيب تقديرات عشان أوصل لهدفي، وجبت في أول ترم (87% ).

بعدها بدأت أتعرف على طلاب كان منهم “م/سامي” هو اللي وضحلي إن الجزء العملي الأساس كمهندس، بدأت بسببه أقعد مع شخصيات ناجحة في مجالها وعرفت طريقي اللي هيوصلني، إن أكون مهندس ناجح أفيد بلدي وأرقى بمجتمعي وشخص اهله يفتخروا به.

بدأت اتعلم وأدخل مسابقات زي”STC،IDC ،RAC،Robotics maicro mouse،”control EX حصلت على المركز الأول فيهم وسافرت الصين، مثلت الجامعة في مسابقة. “IDC_Robocon2017”

أنا وصلت لمستوى عالي في “Imbedded System” أقدر أشتغل بيه وأفيد بيه أي حد، بسعى إن بعد الكلية أشتغل في شركات عالمية زي “Valeo” وحلمي إن أكَوّن شركتي الخاصة.

نصيحتي للطلاب يهتموا بالانجليزي، والشغل العملي، والتقدير، والأعمال التطوعية؛ لأن الأربعة دول أهم حاجة هيحتاجوها لأي فرصة تقابلهم.

 

أحمد صقر.