“خريطتك الى معرض الكتاب”

يعود إلينا معرض القاهرة الدولي للكتاب؛ حيث جاءت الفرصة لاقتناء كتاب جديد لك، حيث يقام المعرض للمرة الثانية على التوالي



في دورته ال(51) وبالتحديد في الثاني والعشرين من يناير إلى الرابع من فبراير، يعود إلينا معرض القاهرة الدولي للكتاب؛ حيث جاءت الفرصة لاقتناء كتاب جديد لك، حيث يقام المعرض للمرة الثانية على التوالي في أرض مصر للمؤتمرات والمعارض الدولية بمنطقة التجمع الخامس.

كيف تذهب إلى معرض الكتاب؟

أولًا شبين: أركب عبود من الموقف، وأنزل رمسيس عند ميدان أحمد حلمي؛ وأركب من هناك المنارة جامع المشير طنطاوي أو من رمسيس هتلاقي أتوبيسات للمعرض.

ثانيًا منوف: أركب موقف العاشر-السلام، ومن هناك أركب التجمع علطول، أو أنزل رمسيس أو مدينة السلام وهتلاقي أتوبيسات مخصوص للمعرض من هناك.

كما أعلنت الهيئة العامة المنطقة للمعرض عن الخطوط الآتية 

الخط الأول: رمسيس-معرض الكتاب.

الخط السادس: مدينة السلام-الأوتوستراد-معرض الكتاب.

ما ثمن تذكرة دخول معرض الكتاب (٢٠٢٠)؟ 

تصل ثمن تذكرة الدخول لمعرض الكتاب (٥) جنيهات.

متى تفتح أبواب معرض الكتاب (٢٠٢٠)؟

تفتح أبواب المعرض في الساعة التاسعة صباحًا، ويستمر حتى الساعة السابعة مساءً، لكن يستمر العرض الخارجي للكتب والندوات والأمسيات الثقافية حتى الساعة التاسعة مساءً.

إزاي استفاد من معرض الكتاب؟

المعرض بتكون فيه فرصة كويسة لكل المهتمين بالقراءة إنهم يحصلوا على الكتب؛ خصوصًا إنك مش هتلاقي تجمع طول السنة يحتوي على جميع دور النشر والمكتبات، كونه أيضًا فرصة  كويسة إنك تحصل على الكتب بأسعار مناسبة، فرصة كويسة إنك تشوف ندوات وأمسيات ثقافية خلال فترة المعرض، وإنك هتلاقي الكتب اللي ممكن متلاقيهاش طول السنة.

نصيحة حاول تروح معرض الكتاب في أيامه الأولى؛ لإن مع الوقت في كتب بتخلص فورًا أو آخر أيام المعرض هتلاقي خصومات كبيرة على الكتب.

نصيحة أخيرة لك كطالب متنساش تاخد الكارنية الجامعي علشان تقدر تاخد بيه خصومات على الكتب.

كتابة:مصطفى زوين.

تدقيق:هدى أمجد.