“رمضان” حياة جديدة ،  لِمن أماتت قلبهُ الذنوب ..!

" انّ لربكم في أيام دهركم لنفحات، الا فتعرّضوا لهم، واسالوا ربكم ان يستر عوراتكم ويامّن روعاتكم".



كتبت، أسماء مدحت.

١-الصلاة‬
علشان تواظب على الصلاة لازم تبقى عارف انت بتعمل ده ليه و لمين،
وخليك فاكر ان البني آدم ضعيف…
و الصلاه عامله زي خرز السبحة…
لو واحدة فرطت..الباقي هيفرط معاها…

الصلاة اولوية عن اي اولوية تانية…
متسمعش كلام الناس و جو انت اسلمت امتى، و الناس دي ابعد عنها او حاول تكسفهم بالأدب، صدقني هو نفسه يعمل كده بس مش عارف.
الصلاة في الجوامع، خاصةً الفجر،
خلي عينك على صاحبك اللي بيصلي و واصل معاه،
مش عيب تقول لصحابك المستشيخين انهم يفكروك بالصلاة …
الصلاة في مواعيدها قدر الإمكان، ولو فوّت فرض متستلمش و صليه عادي بعد معاده،بس متسيبوش.?

٢-قراءةالقرآن‬
“كلما زاد رصيدك من تلاوته تاقت نفسك للجنة”

الناس اللي طاقتها عالية مش أقل من ٥ ختمات في الشهر ….
بواقع ٥ أجزاء يومياً …
يعني هتختم كل ٦ أيام مرة.

– الناس المتوسطة مش أقل ٣ ختمات في الشهر …
بواقع ٣ أجزاء يوميا ….
يعني هتختم كل ١٠ أيام مرة.

– للمبتدئين وأصحاب المشاغل …
مش أقل من ختمه في الشهر ….
بواقع جزء كل يوم فقط.

 الصدقة‬

جنية واحد يوميا … لمن يستحق…. يبقي عندك ٣٠ جنيه في الشهر كله ….
ولو انت مُيسّر الحال وربنا موسّعها عليك تصدّق بما يليقُ بك …
وافتكر في النهايه ان انت احوج للصدقه وأجرها من الفقير.

حاول توصل الحبل اللي اتقطع بينك وبين ربنا في الايام الكريمة دي لان رسول الله صلى الله عليه وسلم قال في حديث شريف ” انّ لربكم في أيام دهركم لنفحات، الا فتعرّضوا  لهم، واسالوا ربكم ان يستر عوراتكم ويامّن روعاتكم”.