7 أسباب رئيسية تخلي أي علاقة “حُب” تنتهي!

لو لقيت العلاقة بينك وبين الشخص بستهلك منك حاول تنهيها بسرعة، لان مهما كان تعبك دلوقتي من غير الحد دا، اهون بكتير من استهلاك "روحك" لو كملت معاه بنفس الطريقة.



مفيش شك إن إنهاء اي علاقة حب هي عملية مُرهقة جداً ومؤلمة للطرفين، حتي لو كان اللي ظاهر للناس انه الطرفين اقوياء وبيتعايشوا، واغلب الناس مروا بالمرحلة دى للأسف!

  وانا كـ رشيد، استنتجت بعض اسباب “الفركشة” او انهاء العلاقة ، من خلال تجارب بعض اصحابي اللي فركشوا.
– اقراهم واعرفهم …تجنبا لأي فركشة لقدر الله او عشان تعرف امتي اللمبة الحمرا بتنور وتحذرك بانهاء العلاقة دي …

1- التقدير

التقدير

“التقدير خسرنا كتير” دي مش مجرد جملة بنسمعها او نقولها فالشارع لصحابنا! دا اسلوب حياة،
يعني لو شخص اللي قدامك مقدرش اهتمامك ووجودك يبقي بلاش احسن!

٢-الإهمال

13330946_1049920121762776_1513619994970692161_n

ممكن يكون أكبر أسباب الإنفصال هو الإهمال، انك تلاقي الشخص اللي معاك قرر ان وجودك زي عدمه، مبيفكرش يهتم بيك او بحياتك او يعرف تفاصيل يومك أو يطمئن عليك

٣-عدم التفاهم

13346903_1049920175096104_1779338376671869136_n

ده ممكن يقلب بلد بحالها، كون ان الطرفين مش متفاهمين مع بعض، ومش قادرين يبقوا متفقين على حاجة واحدة،
او يحلوا مشاكلهم فلازم العلاقة تنهار وتقع.

٤-البرود العاطفي

13335884_1049920178429437_2349382025634121233_n

هو ان طرف من أطراف العلاقة معندوش مشاعر للتاني، وده بيكون واضح في الكلام والنظرات بتتغير والأفعال.

٥-الأستنزاف

13407231_1049920218429433_3686856496313797207_n

وطبعاً ناس كتير هتقولى ايه الاستنزاف دا؟ اقولك ,زى مثلاً
فيه علاقة كل موازينها بتبقي “مايلة” طرف بيدي و بيزق العلاقة كلها، و التاني بيستنزف وجوده و طاقته و مشاعره من غير ما يدي، عشان الطرف الأول كان متخيل انه لما يدي هيتقدّر،
انما الطرف التاني اتعامل ان سبيب الاهتمام دا for granted مضمون و أساسي و مش محتاج تقدير ولا بذل ف المقابل،
أي علاقة فيها طرف مهم “بياخد بس” وفي الاخر بيسبنا مطفيين و منهكين،
عشان كدا انا كـ رشيد بقولك، لازم تنهي اي علاقة بتطفيك و مبتضفلكش جديد!.

٦-السيطرة

13339623_1049920221762766_3033749836833318733_n

فيه علاقة بتبقي زي “حلبة المصارعة” كل طرف عايز التاني يبقي على قد القالب و الفراغ اللى صنعهوله، كل طرف بيروض التاني انه يبقي شبه الصورة الخيالية اللى رسمها للشريك، بس أنا مكنتش معاك و انت بترسمها و مش مجبر اكون شبه الفيلم ابو نهاية سعيدة اللى في دماغك!!!
علاقة زي كدا لازم تنتهي لان اساس العلاقة قبول الآخر رغم ماهو عليه مش اعادة تشكيله.

٧-الثقة والأمان

13407003_1049920288429426_1210311252728323275_n

في اعتقادي الشخصي ان الإتنين حاجة واحدة، اليوم اللي هيبقي صعب تثق في الشخص اللي قدامك لانه كداب او خاين او مقدرش يحافظ على الثقة اللي انت خصته بيها، لازم تنهي العلاقة دي.

     وفي النهاية……… حابب اقول لكوا، وبالأخص لـ أهل “كوكب إنسايدر“، لو لقيت العلاقة بينك وبين الشخص بستهلك منك حاول تنهيها بسرعة، لان مهما كان تعبك دلوقتي من غير الحد دا، اهون بكتير من استهلاك “روحك” لو كملت معاه بنفس الطريقة.

– اعداد التقرير والصور، رشيد ماهر الطحاوي.