تحليل مباراة مصر والكونغو

تحليل مباراة مصر والكونغو



مبدئيا احنا بدأنا ب 4-2-3-1 بتتحول ل 3-4-3 في حالة الهجوم طارق بيسقط بين المدافعين وأيمن والمحمدي بيكونوا فاتحين الملعب لكن تقدمهم الهجومي والعرضيات قليل جدا. حصيلة عرضيات المحمدي + أيمن في المبارة كانت أقل من 5 عرضيات.

المنتخب بيلعب على فردية صلاح وتريزيجيه وديه واضحة وال 3 اهداف في ماتش زيمبابوي والكونغو مهارات فردية مفيش جملة جماعية يعتمد عليها المنتخب.

كمية ميس باص في وسط الملعب و gap كبير بين الوسط والهجوم والسبب في كده النني والسعيد مراكزهم المفروض تفتح الملعب وتقراه كويس تفتح مساحات لزمايلك سواء بالتمرير أو تراوغ وتسدد. السعيد ارقامه هو والنني يعتبر Big zero مفيش قراءة جيدة للملعب + ميس باص بتتحول لمرتدة علينا ب 3 تمريرات بس، النني مفيش ضغط إما يحلق على الكورة أو يعمل فاول اما تاكلينج فطارق حامد أنجح منه فيها بكتير وقطع أكتر من كرة.

أداء المنتخب يتميز بالبطئ، الكرة الوحيدة السريعة سجلنا منها الأهداف -الهدف الثاني بالأخص-. اللاعيبة بتفتقد لقرار التمرير لغاية ما تتقطع
في gap بردو بين الوسط والدفاع بطريقة واضحة جدا، لاعبي الخصم بيستلموا فيها بدون ضغط وبيسددوا.
مشكلة كمان مع اللاعب القادم من الخلف مفيش أي رقابة عليه.

الدفاع وحالاته 

شكل المنتخب في الحالة الدفاعية

هجوميا مفيش كثافة أو بمعنى أصح سوء توزيع للاعيبة في الملعب.

أنانية كبيرة هجوميا وبوضحها في الصور مفيش أي ربط بين الخطوط ومفيش خطة او جملة أقدر أقول فيها تكتيك.

بنهاجم وبعدين تتقطع بسهولة شديدة نرجع ندافع، المباراة الرتم بتاعها واحد مبيتغيرش، مفيش لاعب متحكم في رتم المباراة.

تريزيجيه أعلى معدل مراوغات 5 مراوغات منهم 3 ناجحين.
صلاح أعلى معدل فرص ب 3 فرص منهم واحدة هدف.
الشناوي شتت 5 كور وصد 3.