20 حاجة لازم اي طالب في Logistics يكون عارفها

دليلك للتعامل مع الكلية الفريدة من نوعها



كتب: احمد شريف عبد القادر

لو أنت طالب قديم فى لوجيستكس، ففى حاجات أكيد لازم تكون عارفها و عيشتها في الكلية الرايقة ديه، أما لو أنت newcomer ففى حاجات لازم تعرفها عشان تعرف تتعامل لأن كليتنا فريدة من نوعها فى كل حاجة وفى أى حاجة زي :
1. يعنى إيه Logistics و يعنى إيه Supply chain
2. هتفضل أول سنتين مش فاهم بالظبط يعنى إيه Logistics و Supply chain لحد ما تدخل أول محاضرة ل د. بحيرى فى course “introduction to supply chain”
3. لوجيستكس فيها 3 أقسام ( international trade, transportation, supply chain) ، بس فعلياً هما 2 بس لأن قسم “international trade” محدش تقريباً بيدخله.
4. قسم “international trade” ده حكاية لوحده ، يعنى مثلاً دفعة ١٣١٠ مفيهاش حد فى “trade” والدفعة اللى بعديها مفيهاش غير 2 ( ولد وبنت، هى الأولى على الدفعة وهو التانى)

5. زى ما قلت قبل كدة إن الكلية فعلياً فيها تخصصين، الأول supply chain وده غالبية الدفعة بتدخله والتانى transportation وده أعدادة أقل من SC بنسبة بسيطة. بس الاعتقاد عند معظم الطلبة إن transportation أسهل وإن كله حفظ وإن SC أصعب ومحتاج مذاكرة. بس الحقيقة مش كدة خالص؛ ده قسم وده قسم وده له شغله وده له شغله.
6. لما تدخل لوجيستكس هتحس إنك فى جامعة الدول العربية مش فى كلية من كتر تواجد جالية العرب معاك فى الكلية بس معظمهم بيكونوا فى القسم العربى وكمان هتلاقى معاك أفارقة.
7. فى لوجيستكس عادى جداً إنك تلاقى زميلك فى ال lecture أكبر منك ب 10 سنين وبيشتغل ومتجوز ومخلف أو إنه يكون مثلاً دفعة 2006 ولسه قاعد فى الكلية. وبردو عادى جداً إنك تلاقى كتير من زمايلك فى الكلية أبطال رياضيين، وكمان معيدين زى د.هشام مصباح و د.أية مدنى.
8. لو معدتش على دكاترة زى د.بحيرى، د.خالد سيف، د.خالد السقطى، د.موافى، ك.شفيق”الله يرحمه”، ك.أحمد غيث ود.أحمد طارق يبقى أنت مدخلتش لوجيستكس. ونفس الكلام فى مواد معينة زى (logistics 1&2, risk, SC, LOM وHR) مع د.وائل شعبان.

9. مش هتلاقى كلية فى الأكاديمية أقل فى الأعداد أكتر من لوجيستكس ” دفعة ١٣١٠ حوالى 150 طالب أكتر من 50% منهم فى قسم SC” ، بس دلوقتى الأعداد بدأت تزيد بسبب مشروع محور قناة السويس اللوجيستى.
10. لوجيستكس هى الكلية الوحيدة فى الأكاديمية اللى بتبقى قاعد فى لجنة الامتحان سواء 7th أو final وجنبك طلبة بتتمتحن مادة تانية وأحياناً تالتة ، وده نظراً لقلة اعداد الطلبة والمعيدين”المراقبين” أحياناً فا فرصة انك تغش تكاد تكون منعدمة.
11. ممكن تلاقى محاضرات لكلية business فى مبنى كليتك وده راجع برده لقلة الأعداد عندنا وكثرتها عندهم .
12. لحد فترة قريبة قبل ما يبقى فيه exam schedule على ال student portal كان ممكن تروح امتحانات ال7th وأنت متعرفش امتحانك فى room كام وتفضل تدور على اسمك فى الكشف على لوحة الإعلانات.
13. لوجيستكس بردو هى الكلية الوحيدة فى الأكاديمية اللى ممكن فى مواد معينة متدخلش ال section ولا تشوف المعيد حرفياً طول الترم. ( بدون ذكر أسماء منعاً للإحراج :D)
14. فى لوجيستكس بردو فيه طلبة بتكون داخلة الfinal معاها 45 درجة وفى الآخر يجيبوا F وده مش عشان الامتحان صعب ولا حاجة ( أعرف واحد كان جايب zero فى ورقة الفاينال وهو داخل ب 45 درجة :D). بردو ممكن متجبش 30 أو A+ فى مواد معينة وأنت بتبقى معندكش غلطة فى الورقة عشان بس الدكتور ماشى بمنطق (الكمال لله وحده :D). وبردو هتلاقى طلبة ال GPA بتاعها أقل من 2 ومش بتطلع من الhalf load وفنفس الوقت فى طلبة الGPA بتاعها 4 اللي هي العيال اللي بتقعد قدام و بتظبط سلك البروجكتور للدكتور فا فيه varieties حضرتك في كل حاجة .
15. من الحاجات المميزة فى كلية لوجيستكس إنها الكلية الوحيدة من نوعها فى مصر وده بيديك أفضلية فى سوق العمل إنك بتبقى خريج مفيش أى حد فى أى كلية تانية دارس نفس اللى أنت درسته.
16. و فى نفس الوقت فرص الشغل بالذات لقسم SC داخل مصر مش بالكم الكافى ، وده راجع لعدم تطبيق ال SC بشكل كامل فى الشركات المصرية.
17. كلية لوجيستكس بتعمل كل سنة career fair بتجيب فيه مجموعة كبيرة من الشركات اللى بتكون عندها فرص للشغل أو للتدريب ، والطلاب بيقدموا الCV ، بس فى الغالب مش بياخدوا حد لأنهم بيبقوا عايزين fresh graduates.
18. ال graduation project عندنا بيبقى ملوش lecture ولا section وبيبقى قايم على ال meetings مع الدكتور المشرف على مشروعك فا حاجة شياكة شويتين.
19. لوجيستكس هى الكلية الوحيدة فى فرع شيراتون “بعيداً عن هندسة” فيها parking للعربيات ، ولكن للأسف هو مخصص للدكاترة والمعيدين، بس الطلبة بيركنوا فيه من بعد الساعة 4 لما الدنيا بتفضى.
20. كليتنا الوحيدة وده من جمالها يعنى ? اللى ممكن تسجل فى جدول وتحضر فى جدول تانى خالص.
ديه النقط اللي قدرنا نغطيها بحيث اي طالب في الكلية يكون مر بالمواقف ديه و ارشادات للناس الجديدة يمشوا عليها .. بس صحيح .. هو يعنى إيه لوجيستكس؟!