عندما يجتمع العكش ومرتضى في جسد واحد: دونالد ترامب

بتحب مرتضى والعكش؟ جبنالك الأستاذ - مرشح الرئاسة الأمريكية



بعد النجاح الساحق لمرتضى منصور، وتوفيق عكاشة صاحب أعلى نسبة تصويت في البرلمان بحوالي 95 ألف صوت في دائرة طلخا ونبروه، ناس كتير بتتكلم عن إن واحد فيهم ممكن يبقى رئيس البرلمان، ومين عارف يمكن في المستقبل رئيس الحكومة..

ناس كتير نفسها يكسبوا عشان يبقى البرلمان لذيذ ومثير كده بس متقلقوش، الأجمد منهم الاتنين موجود في أمريكا وهو دونالد ترامب، المرشح عن الحزب الجمهوري لانتخابات الرئاسة الأمريكية، ولو فاز هيبقى العالم كله لذيذ ومثير.

Trump-Oksh-Mortada

دونالد ترامب ده رجل أعمال غني، ممتلكاته تقدر بـ 9 مليار دولار، وكان عنده برامج تلفزيونية بيجيب فيها ناس ويقعد يختبرهم لحد ما في آخر البرنامج بيختار حد يشتغل معاه في شركاته.

إمبارح قلب الدنيا لما طالب بمنع دخول المسلمين لأمريكا وقال “معندناش حل تاني”  “we have no choice” طبعاً بسبب إن رجل مسلم وزوجته قتلوا ١٤ أمريكي الأسبوع اللي فات في كاليفورنيا. فيديو:

هتقول صعب واحد عنصري كده يكسب هقولك إنه متصدر كل استطلاعات الرأي الحالية اللي اتعملت من أكتر من جهة ومحطة إخبارية مختلفة. يعني الراجل اللي بيقول إنه عايز يمنع المسلمين إنهم يخشوا امريكا ممكن يبقى الرئيس القادم ليها. أيوه ممكن.

دونالد ترامب عبارة عن ميكس غريب ما بين توفيق عكاشة ومرتضى منصور، فإذا كنت بتهتم تتابع تصريحات أي واحد منهم عشان تنبسط، خد الكام حاجة دول اللي دونالد ترامب قالهم بلسانه:

“ذكائي أعلى ما يكون.. وكلكم عارفين كده! لو سمحتوا ما تحسوش إنكم أغبياء، دي مش غلطتكم”

“بنتي عندها قوام جميل جداً. لو مكانتش بنتي كان زماني بواعدها”

“أجمل حاجه فيا إني غني جداً”

“مش مهم الإعلام بيقول إيه طالما عندك مؤخرة.. جميلة”

“أريانا هافينغتون إمرأة غير جذابة، سواء من الداخل والخارج. أنا فاهم ليه زوجها السابق سابها عشان راجل. أخد القرار الصح”

“أنا عمري ما هاجمت راند بول (مرشح منافس) على شكله، وصدقوني في حاجات كتير في شكله ممكن نتريق عليها”

إيه رأيك؟ يستاهل القرنين؟

وبكده نقدر نوضح تفوق ترامب عليهم كما يلي:

Trump-vs-Oksh-vs-Mortada

وأخيراً.. فيديو ترامب وهو في مصارعة Wrestlemania 😀