8 حاجات بتلخص حلقة تلفزيون عسيلي ”أنت الكون“

الناس بتشوفك إزاي؟



 ١. دخلتك على الناس

تخيل لما تكون داخل مثلاً على غرفة اجتماعات أو شلة وقاعدة فيها ناس وتروح داخل داخلة زي كده: tel-esseily-ep2-1

 إنت أخدت حوالي خمس ثواني ..كل الناس اللي قاعدين دول بقوا مش مهتمين بيك ولا مهتمين عندك إيه تقوله، لأنك دخلت نفسك على إنك شخص غير مهم وغير مؤثر.

العكس بتاعه لو واحد دخل جلياط كده: tel-esseily-ep2-2

ده مش واثق في نفسه ده سخيف! معندوش كياسة ولا ذوق ولا عارف يتعامل مع الناس.

٢. جاي تشتغل ليه؟

في انترفيوهات الشغل .. في ناس كتير فاكرين انك تروح للراجل اللي بيعمل الانترفيو وتوريه إن إنت مؤدب. على فكرة هو مش بيجوزك بنته، مش مهتم خالص إن أنت تبقى مؤدب “حضرتك وسيادتك يا فندم” وجو العبيد ده -لا مؤاخذة-. tel-esseily-ep2-teshtaghal-3andak-taqa

في ناس بيفتكروا إن كده تمام و “أظهر إن أنا خادم مطيع”. بس حتى لو هو عايز يعيّن خادم مطيع فأنت كده بتؤذي نفسك. 

لأن المفروض في سيناريو آخر تبقى شخص شاطر عشان تبقى واثق في نفسك -متنساش الحكاية دي أبداً-

أوعى تفتكر إن الثقة دي شيء أنت ممكن تمثله على الناس إلا  لو أنت من الأول شاطر و عارف إن أنت جاي هنا الشغل عشان تكبر وعندك طاقة عاوز تطلعها وموهبة عاوز توريها وعندك حاجه الشركة دي تستفيد منها وهي تستفيد منك، مش جاي تاخد وظيفة …

tel-esseily-ep2-gai-akol-3eish

إوعى تكون رايح حتة تاكل عيش وهتمثل على الناس لأن الحكاية دي مفيهاش تمثيل و إنت هتبقى بتخدعهم كمان.

لو أنت فعلاً جاي تاكل عيش ادخل الداخلة دي: أنا بصراحة جاي آكل عيش. عاوزين تشغلوا ناس زيي شغلوني، مش عاوزين همشي أدور على حد تاني آكل منه عيش. خليك صريح كده و واضح مع نفسك.

٣. الناس بتشوفك إزاي؟

الكون عبارة عن الأشياء والناس. الأشياء ما بتتصرفش تجاهك.. باب الشقة ما بيقررش فجأة يخبط في مناخيرك، فسيبك خلاص من الحاجات وخليك في الناس بقى. 

tel-esseily-ep2-khaleek-fel-nas

من أول ما تنزل من بيتكم كل يوم، من أول البواب للرجل اللي بينضفلك العربية لسواق التاكسي والميكروباص والناس اللي في الشغل واللي بيشوفوك وانت مروح وبتشتري حاجات.. كل دول عارف بيشوفوك إزاي؟ بيشوفوك زي مانت شايف نفسك بالظبط .. هم مراية.

بيشوفوك بشوش هيبقوا بشوشين في وشك .. واثق في نفسك وبتحترم نفسك هيحترموك .. زي مانت تشوف نفسك هما هيشوفوك بالظبط. tel-esseily-ep2-beyshofook-zai-manta-shayf-nafsak

٤. المتحرشين

فكّر في الأشخاص المتحرشين واللي المجتمع بيعاملهم على إنهم كده: “إنت شوارعي وإحنا بنكرهك”.

tel-esseily-ep2-enta-we7esh-benekrahak

جزء من تصرفاته دي كلها بتيجي من الناس. الموضوع عكسي (ومتزايد). هما بيشوفوه على إن هو كده فهو يبقى كده زيادة. وهو يبقى كده فهمّ يشوفوه كده .. كارثة.

 ٥. تجربة ممكن تغير حياتك

tel-esseily-ep2-mqarar-a7eb-kol-el-bashar

على ذكر الحكاية دي، لو سمحتوا كلكم جربوا التجربة دي: بكرة الصبح أنا عاوزك تحط في دماغك إن أنت هتبقى النهاردة بشوش -ابتسامة مش من البق، لأ، ابتسامة حقيقية-

أنا هنزل النهاردة وأنا مقرر هحب كل البشر اللي أنا هقابلهم دول وهشوف هيحصل إيه.

وأنا مش هقولك هيحصل إيه خالص. أنت شوف ولو سمحتوا ابعتولي قولولي حصل إيه.

٦. يا عم بقى..

عارفين الناس بتوع التنمية البشرية وبيقولوا بُص لنص الكباية المليان؟ – هي فكرة مش مظبوطة بصراحة. يعني إيه أنزل ألاقي الدنيا مخرمة والميكروباص زحمة والشارع واقف والدنيا حر، وعايزني أنا أبقى كده؟  كلام مش منطقي.

tel-esseily-ep2-kalam-msh-mante2i

المنطقي مثلاً إنك تشوف الظرف بتاعك ده على إنه ظرف ..

هو أنا يعني كنت نازل من بيتنا فاكر نفسي في سويسرا ونزلت لقيت القاهرة؟ لأ أنا عارف اللي تحت. لكن أنا مش هبقى غضبان على اللي تحت النهاردة. ده موضوع تاني خالص. الفرق أهو. واحد بـ… tel-esseily-ep2-yel3an

والتاني:

tel-esseily-ep2-kolena-fe-me7na

٧. أنت مش مصدق إن هو ماسكك؟

tel-esseily-ep2-rabina-bey3kes-sorto-3andak

تعالوا ناخد الموضوع ده للسلّمة الأبعد.. تخيلوا لو كل العالم فعلاً بـ”mirror us“ (بيعكس صورتنا). -إحنا جوا نفسنا لجوه راسه-

طيب فكّر في صاحب العالم، صاحب الكون .. ربنا في الحديث القدسي اللي كلكم عارفينه بيقول: “أنا عند ظن عبدي بي فليظن بي ما يشاء”. الكلام ده ممكن يكون معناه إن ربنا نفسه بيعكس صورته عندك. tel-esseily-ep2-rabina-yostor

لو أنت مثلاً داخل على مهمة صعبة: “ربنا يستر.. استر يا رب”. ده اسمه إيه؟ اسمه واحد خايف. وأنت خايف وماسك إيد ربنا. لو انت فعلاً مصدق إنك ماسك إيده وخايف فده كلام غير منطقي.

المنطقي إن نفس الشخص ده يروح قايل بجد: “أنا مطمن إن أنت معايا. أنا عارف إن أنت معايا. أنا عاوزك معايا تسندني. أنا عاوزك معايا في ضهري.” فهو يكون اللي أنت عاوزه ده. ولو أنت ماسك إيد ربنا بس خايف ومرعوب، يبقى أنت مش مصدق إن هو ماسكك. أنت خايف من إيه؟ tel-esseily-ep2-metamen-en-enta-m3aya

٨. أنت الكون

tel-esseily-ep2-enta-el-koon

فهو يروح عاملك كده عشان تتعلم الدرس ده, عشان تتعلم إن أنت الكون بكل ما فيه.

الطريقة اللي أنت بتشوف بيها نفسك هي الطريقة اللي كل الكون بيشوفك بيها وهي الطريقة اللي كل الدنيا بتتصرف معاك بيها، بما فيه ما بعد الدنيا، ربنا نفسه.