5 مواقف كوميدية حصلت في طيارة مصر للطيران المخطوفة MS181

بتعدّوا حزام ناسف ومش عايزني آخد فرختي؟



ElBakheel-W-Ana-Money-Scene

1 – فلوس تحت البلاطة

زوج كلّم زوجته عشان يقول لها على فلوس كان مخبيها في بنك، وأكتر جزء مضحك هو إن زوجته نسيت موضوع الخطف وقعدت تطلب منه يكرر اسم البنك

 

loud-phone

2 – أنا مخطوف

شاب مصري جميل قرر يكلم أهله وأصدقاءه واحد واحد قبل هبوط الطيارة في قبرص بصوت عالي جداً: أنا مخطوف يا محمد، أنا مخطوف يا فاطمة،..)

 

Sleeping-in-plane-heneidy-foul-el-seen-el3azeem

3 – الشبكة

شخص آخر كان نايم ولما صحي قالوله إحنا رايحين على قبرص، قال لهم: اشمعنى قبرص؟ الموبايل مش هيبقى فيه شبكة كده، قالوا له: شبكة إيه هنموت كلنا..

 

My-Chicken

4 – فرختي

راكب كان شايل معاه فرخة “بلدي” مجمدة، على حسب كلامه، لغاية ما لقوها وهو طالع الطيارة راجع القاهرة (بعد الأزمة) وكان زعلان أوي إنهم هياخدوها منه. موظف الأمن عشان ينهي الموقف قال له إنهم هيحطوها في التلاجة، لكن الرجل قعد يزعق ويقول: بتعدّوا حزام ناسف ومش عايزني آخد فرختي؟

 

فيديو الشاب البريطاني وهو بياخد صورة مع مختطف طيارة مصر للطيران بعد ما المضيفات قالوا له “عايز يصّور معاك”..انت لو مكانه كنت طلبت الطلب ده؟ :Dنقلاً عن Huub Helthuis

Posted by ‎The Insider Masr إنسايدر مصر‎ on Thursday, 31 March 2016

5 – تعالي.. Come

شاب بريطاني عنده 26 سنة طلب من المضيفات إنه يتصور مع خاطف الطائرة سيف الدين مصطفى. المضيفات راحوا سألوا الخاطف ووافق.

الصورة تاني يوم ظهرت على الصفحة الأولى لأشهر الصحف الإنجليزية

صورة شاب بريطاني مع مختطف الطائرة المصرية

*١-٤: مترجم بتصرف عن عبد الله العشماوي، طبيب مصري يعيش في إنجلترا وكان على متن الطائرة المختطفة