17 حاجة بتلخص كل اللي قاله باسم يوسف مع وفاء الكيلاني

"كنت بحاول ألاقي طريقي للجنس الآخر لكن كنت بفشل.. كنت بقول دبش"



Meen-Eli-Y2dr-Yw2af

“كتير كانوا معايا وكتير كانوا ضدي، زي أي حاجه في الدنيا. مفيش حاجه اسمها نتوقف عشان ناس كتير ضدنا. البرامج اللي شغالة دلوقتي كل الناس بتحبها؟.. لكن الفكرة مين اللي معاه القوة؟ ومين اللي معاه السلطة؟ ومين اللي يقدر يوقف؟”

Leek-Fel-Neswan

“يعني انت فاكرة إن أنا لو ليا في النسوان هقولك آه؟.. أنا عندي زوجة تقطعني” بس قال إن زوجته “هالة” دماغها كبيرة ومستحملاه.

Balboos

“خالتي كانت عندها هواية إنها تاخد أطفال العيلة وتصورهم بلابيص غالباً عشان تهددنا بيها في المستقبل” واللي في إيده ده كوز درة.

Kont-Da7ee7

“كنت بطلع من الأوائل على الفصل.. وجزء من اللي حصل (في نجاح) البرنامج إني كنت دحيح.. مكنتش داخل أقول إني دمي خفيف. إحنا كنا داخلين نعمل شغل كويس. شفنا البرامج بره دي بتتعمل إزاي.. البرنامج كان مجهود ودراسة وتعب.”

Mo2adab-Gambohom

“أنتي بتشوفي برامج التليفزيون دلوقتي فيها إيه؟ ده أنا كنت بحط البيب على كلام دلوقتي بيتقال عادي.. الإيحاءات موجودة في الكوميديا المصري من ساعة ما وعينا عليها.. لو حللنا البرنامج هنلاقي إن الإيحاءات تمثل ١٥٪ من البرنامج.”

Ekhtart-Makhodsh-Mokhatra

“أنا مش لازم أعمل بالظبط زيه. كل واحد حر، وكل واحد له حساباته. هو برافو عليه. بس أنا اخترت إني ماخدش المخاطرة.”

وعن اهتمام جون ستيوارت والغرب عموماً به، سألته الكيلاني: “مفيش حاجه بتتقدم ببلاش لشخص عربي.” فرد: بقى لما حد شكر فيك أو تاخد جوايز عالمية بره، بقى مدعاة للاتهام مش الفخر. الغريبة إن إحنا طول عمرنا عاوزين الناس تعترف بينا ولما ده يحصل يبقى عشان في حاجه. انفصام في الشخصية غريب.”

وفي موضع آخر: “لو فعلاً ممول وفي أدلة.. المخابرات بتاعتنا كانت تقبض عليا بتهمة الخيانة العظمى.”

Ana-Herebt-Mn-Masr

“أنا حاسس دلوقتي إن أنا مش مضايق حد. الناس اللي مضايقين مني أنا سيبتلهم البلد ومشيت. خلاص بقى. يتبسطوا. وأنا انبسط بره.”

وسألت وفاء الكيلاني: “بتروح أوروبا تخبط في بلدك ليه؟”، فرد: “لما أنا بتكلم إن الناس المفروض لا يتم قمعها، هيبقى تخبيط لو أنت أخدت الكلام ده على نفسك.. ده رأيي أقوله من أي حته، ولو تم دعوتي أقوله في مصر هقوله.”

M2antakh

“13 شهر بتتفسح بره؟ آه. جبن ولا عقل؟ عقل. ولا تلقوا بأيديكم إلى التهلكة. أنا في (جامعة) هارفارد ويمكن كمان أطلع في (جامعة) ستانفورد”

Bel-Atl-L2-7agat-Tania

“أنا مش مرعوب ولا سكت ولا حاجه، الفكرة إن كان فيه نظام معين حاول يسكتني ووداني النائب العام، وفي نظام نجح إنه يسكتني.” ولما سألته مين وقف البرنامج، قال: اسألي الـ MBC

“اللي عايز يوقفك عمره ما (هيكون) عشان بتشتم رئيس أو علشان رأيك مختلف. (إنما) عشان ضرايب، أحكام، عشان يقولك يا جماعة ده مش سياسي، الموضوع تجاري.”

Betekalem-Keda-3al-Geish

“هل شعوب العالم كلها اللي ماشية منغير حكم عسكري دي قطعية وإحنا قطعية تانية؟ اشمعنا إحنا لازم نمشي بالكرباج؟.. أنا نفسي أسأل السؤال ده.. أنا شايف إن أي شعب جاهز لو السلطة عايزة إن يبقى فيه ديمقراطية.. أهم حاجه من الديمقراطية المحاسبة..”

وفي موضع آخر قال: “مشكلتي إنك تختار حد وماتعرفش تقرب منه. لأنك لما هتتكلم تبقى بتتكلم كده عالجيش”

Lao-Nezam-Qawy-Msh-Yhemo

“بتريق على التضخيم بتاع كل حاجه.. مشكلة الفرح الزيادة إنه ما بيخليش في مناقشة موضوعية.. محدش يختلف على الإنجازات. المشكلة كلها على الشحن الإعلامي اللي جاي مع الإنجاز. وإحنا اتلسعنا كتير. نفرح، بس نفرح على القد..”

Bey2olo-Nafs-El-Kalam

“أنا مش عاوز اتهم حد إنه بياخد أوامر، بس لازم نفكر لما هما كلهم بيقولوا نفس الكلام في كل البرامج كل يوم يبقى فيه إيه طيب؟.. واضح جداً إن في ناس بتتوقف على إنها بتقول رأيها وفي ناس تانية مهما تعمل وتذيع أسرار ناس.. مش واقفة.ده يقولك إنهم مرضي عنهم.. وبدليل إن نفس الناس دي بيطلعوا على الطائرة الرئاسية.. السؤال: هل ده الإعلام اللي انت عاوزه يمثلك؟”

M7adesh-Merta7

“الفكرة كلها إزاي تتأقلم لو جوه أو بره”

Awel-S7obia-19-Sana

“كنت بحاول والله.. زي أي طفل مجتهد بيحاول إنه يلاقي طريقه للجنس الآخر وكان بيفشل.. كنت (بقول) دبش”

Tetraba-Ezay

عن تريبة ابنته نادية: “أنا عاوزها تبقى ليها شخصيتها القوية وتاخد اختياراتها، والكلام ده ملوش علاقة بالبلد اللي هي تتربى فيه.”

Mab3yatsh

“بتعيط ولا كتر الوجع نشّف دموعك؟”

“لأ مبعيطش.. أعتقد نوع من الـ defence mechanism الدفاع النفسي فمتخليش نفسك معرض للتغيرات في المشاعر زيادة عن اللزوم. أعتقد ده بيحمي إلى حد ما.. الهزيمة بتيجي من جواك مش من حد تاني.”

Tol-3omry-Tahreeg

تفتكروا؟؟